Thursday, 08 February 2018 03:26

PIG FARMING

ဝက်သားပေါက် မွေးမြူထုတ်လုပ်ရေး ကိုရီးယားကုမ္ပဏီ လုပ်ကိုင်ခွင့်ရ

          မြန်မာနိုင်ငံမှာ ဝက်သားပေါက် မွေးမြူထုတ်လုပ်တဲ့ လုပ်ငန်းကို ကိုရီးယားနိုင်ငံမှ Katec in Myanmar Co., Ltd က လုပ်ကိုင်ခွင့်ရရှိခဲ့ပြီး အခုနှစ်အတွင်း လုပ်ငန်းတွေ စတင်လုပ်ကိုင်မှာဖြစ်ကြောင်းကို မွေးမြူရေးနှင့် ကုသရေး ဦးစီးဌာနကနေ သိရပါတယ်။

          မွေးမြူရေးနှင့် ကုသရေး ဦးစီးဌာနက ဝက်သားပေါက်မွေးမြူထုတ်လုပ်တဲ့ လုပ်ငန်းလုပ်ကိုင်ဖို့အတွက် ပြည်တွင်းပြည်ပက လုပ်ငန်းရှင်တွေနဲ့ ကုမ္ပဏီတွေကို အဆိုပြုလွှာတွေ ခေါ်ယူခဲ့ရာ Katec in Myanmar Co., Ltd က တင်ဒါအောင်မြင်ခဲ့ခြင်းဖြစ်ပြီး အသားကဏ္ဍဆိုင်ရာ ထွက်ကုန်တွေ ဖူလုံစေဖို့နဲ့ ဝက်မျိုးကောင်း မျိုးသန့်တွေနဲ့ ရေရှည်မွေးမြူတဲ့ လုပ်ငန်းအဖြစ် ဖွံ့ဖြိုးတိုးတက်စေဖို့ တင်ဒါခေါ်ယူခဲ့ခြင်း ဖြစ်တယ်လို့ မွေးမြူရေးနှင့် ကုသရေး ဦးစီးဌာနမှ ညွှန်ကြားရေးမှူးချုပ် ဒေါက်တာရဲထွန်းဝင်းက ပြောပါတယ်။

          “ပြည်တွင်းမှာ ဝက်မျိုးက လုံလောက်မှုမရှိတာ။ မျိုးထုတ်လုပ်တဲ့ အင်အားကလည်း နည်းတယ်။ ပြည်ပကနေ မျိုးတွေသွင်းနေရတာ ဈေးတအားကြီးတယ်။ ရွာတွေမှာဆို ဝက်သားမပါရင် အလှူမဖြစ်ဘူး။ ဒါ့ကြောင့် ဝက်ကို များများမွေးမယ်။ ဖြစ်နိုင်ရင် ပြည်ပကို ပို့မယ်။ ပြည်သူတွေ ဝက်သားကို ဈေးအသင့်အတင့်နဲ့ လုံလောက်စွာ စားနိုင်ရမယ်” လို့ ဒေါက်တာရဲထွန်းဝင်းက ပြောပါတယ်။

          ပြည်တွင်းမှာ ဝက်မွေးမြူရေးလုပ်ငန်း ဖွံဖြိုးတိုးတက်စေဖို့အတွက် ပုဂ္ဂလိက ဝက်မွေးမြူတဲ့ လုပ်ငန်းတွေကို အစိုးရအနေနဲ့ အားပေးကူညီသွားမှာဖြစ်ပြီး လက်ရှိမှာလည်း ပြည်တွင်းကုမ္ပဏီ ၂ ခုခန့် ဝက်သားပေါက် မွေးမြူတဲ့လုပ်ငန်း လုပ်ကိုင်လျက်ရှိနေကြောင်း၊ ပြည်တွင်းက ဝက်မွေးမြူရေးလုပ်ငန်းအနေနဲ့ ထိုင်း၊ ကိုရီးယားနဲ့ အင်ဒိုနီးရှားနိုင်ငံတို့မှ ဝက်သားပေါက်တွေကို အဓိကတင်သွင်း မွေးမြူနေရခြင်းဖြစ်ကြောင်း ၄င်းက ဆိုပါတယ်။

          မွေးမြူရေးနှင့် ကုသရေး ဦးစီးဌာနနဲ့ အဆိုပြုလွှာ အောင်မြင်ခဲ့တဲ့ Katec in Myanmar Co., Ltd တို့က မန္တလေးတိုင်းဒေသကြီး၊ ပုသိမ်ကြီးမြို့နယ်၊ ထုံးဘိုရွာရှိ ဝက်သားပေါက် မွေးမြူထုတ်လုပ်မယ့် အဆောက်အဦ ဌားရမ်းတဲ့ သဘောတူစာချုပ် လက်မှတ်ရေးထိုးပွဲကို နေပြည်တော်မှာ ဇန်နဝါရီလ ၃၀ ရက်နေ့က ပြုလုပ်ခဲ့ပြီး ယင်းအဆောက်အဦကို ၅ နှစ်သက်တမ်းအထိ ငှားရမ်းခြင်းဖြစ်ကြောင်း ယင်းဦးစီးဌာနကနေ သိရပါတယ်။

          Katec in Myanmar Co., Ltd က ဗီယက်နမ်နဲ့ ကိုရီးယားနိုင်ငံမှ မျိုးဝက်တွေနဲ့ ပြည်တွင်းမျိုးတွေကို သားစပ်မွေးမြူမှာဖြစ်ပြီး တစ်နှစ်ကို ဝက်သားပေါက်အကောင်ရေ ၅၀၀၀ ခန့်အထိ ဖြန့်ဖြူးထုတ်လုပ်ဖို့ ရည်ရွယ်ထားကြောင်း၊ Katec in Myanmar Co., Ltd က မြန်မာနိုင်ငံမှာ မှတ်ပုံတင်ဖွဲ့စည်းထားတဲ့ ကိုရီးယားနိုင်ငံအခြေစိုက် ကုမ္ပဏီတစ်ခုဖြစ်ကြောင်း မွေးမြူရေးနှင့် ကုသရေး ဦးစီးဌာနကနေ သိရပါတယ်။

Source: The Voice

         

Read 9992 times Last modified on Thursday, 08 February 2018 03:41
Rate this item
(1 Vote)